Si zot pa sa mennen loto, achté an kabouré pito !
Lot jou-a, ni an zanmi méritjen ki té vini wè mwen Matinik. Sa té ka fè omwens 15 lanné misié pa té déviré lakay-nou. Sé an moun ki konnet palé fwansé ek ki ka débouyé kò'y an kréyol. Lè i té fè tan vini, nan lépok-la, lanmanniè moun Matinik ka mennen loto té za terbolizé (perturber/to disturb) lespri'y, men kou-tala, i anni mété lanmen an tet toubannman. Chak lè man té ka batjé'y pou sa mennen'y an koté, i té ka gadé lawout-la ek sé loto-a an manniè entjet jiktan i rété i mandé mwen kon sa :
"Poutji moun isiya ka mennen loto kon moun ki ped lakat ?"
Ped lakat. Fou an mitan tet. Foudok. Dekdek. Kisiswa (quel que soit/regardless of) mo-a nou sèvi a, sé bien sa Méritjen-an di a : nou ni an pwoblem nan kabech-nou (tête/head) pou nou pé mennen loto lanmanniè-a nou ka fè'y la. Men sé tala ki ankò pli foudok la, sé sé tala ki asou moto a : yo ka zennzolé ant sé loto-a, biensanfouté si an loto débwaté, tounen oben frennen blip. Kidonk sa pa étonan pies si laplipa moun ki monté nan Galilé (décéder/to die) palakoz aksidan lawout, sé motosiklis oben mota. Sa pa étonan pies ! Poutan, péyi-a piti kité piti ka alé. I grandè an tet zépeng. 30 tjilomet asou 80 ! Kivédi aksidan lawout dwet té ké an bagay ki ra kon zé kochon. Pis menm lè ou woulé a 100 oben 150 a lè, sé pa pies koté ou ké rivé pli vit. Nou pa ni sifizanman gran lawout dayè pou nou pé pousé an loto jik a 150. Men magré sa, ni an bann initil, an bann isalop menm pis yo ka mété lavi moun an danjé ek yo ka tjwé moun délè, ki ka pijé asou aksélératè-yo san-manman (sans limite/limitless).
Men konpowtasion-an (comportement/behaviour) ki pli kouyon an, sé lè sé chofè-a ka kontinié woulé konsidiré yo té ni an djab an tjou-yo abo (bien que/although) gwo lapli ka fésé kò'y atè kontel sé jou-tala éti livènay fini koumansé. Sé kon sa sé chien-fè tala ka rann moun enpiok (handicapé/disabled) pou lèrestan lavi oben ka vréyé yo senmitiè adan an bat-zié. Manblo(gendarme/policeman) pa sifizanman red épi yo ek lajistis li-menm pa ka djè mété yo lajol, menm lè yo tjwé an moun. Fok lalwa té ké ba yo menm tretman ki sazinè (assassin/murderer), kon sa pétet yo té ké pwan an larel.
Epi si zot pa sa mennen loto, ay pwan an kabouré pito !...