Tout moun rasis kont yo dapré yo...
Ou té ké di Neg pa sav ki épi zafè Entènet la, tout moun oliwon latè ka wè ek pé wè makakri-yo. Pa ni yon jou ou pa wouvè Entènet, kontel Fesbouk, pou ou pa wè an Neg épi an Nègres ka dansé-koké. Sa ki bagay-tala ? Nou blijé envanté an non ba'y : an fanm, an jenn fanm, pi souvan ki rarman a kat pat, ka brennen bonda'y toupannan pliziè boug ka kolé dèyè'y épi ka fè wol ba'y kout lolo. Anni gadé vidéo-a ki anba artik-tala !
Poblem-la sé pa ki sé moun-tala ka konmet vakabonnajri kon sa, sé ki ou té ké di sé Neg selman ki adan sa. Neg ek soutou Nègres ki pa ni pies respé ba manman-yo, ba sè-yo oben ba yich-yo. Sé adan la Karayib anglopal, soutou Janmayik, lanmod sal tala sòti ek jòdi-jou, i anni anvayi pres tout péyi neg asou latè. Asiparé sé sa défansè dansé-koké tala ka kriyé "kilti neg" !!!
Antouléka, ou pa ka wè fanm arab ka fè sa, ou pa ka wè fanm zendien ka fè sa, ou pa ka wè fanm chinwa ka fè sa, ou pa ka wè fanm amérendien ka fè sa. Ek lè fanm blan ka fè sa, sé swa pou genyen lajan (siléma porno) swa pou défann lakoz fanm (kon sé FEMEN-la). Yo ka ka fè sa pou ayen ! Yo pa ka mété kò-yo tou tou-ni gratuitman.
Kontinié dansé-koké anlè Entènet épi apré zot ké pléré ki Blan rasis kont zot, ki Arab rasis kon zot, ki Zensien rasis kont zot, ki Chinwa rasis kont zot kisasayésa...! Bann initil ki zot yé !